ABŞ Prezidenti Donald Tramp İrana qarşı daha sərt hərbi əməliyyatların mümkünlüyünü bildirib.
O, bunu Sahil Mühafizə Akademiyasında məzuniyyət mərasimində çıxışı zamanı deyib.
"Onları çox sərt vurduq. Daha da sərt vurmaq məcburiyyətində qala bilərik – ya da yox", - deyə Tramp vurğulayıb.
Prezident İranın hərbi gücünün demək olar ki, tamamilə məhv edildiyini qeyd edib.
"Hər şey yox olub. Donanmaları, hava qüvvələri... Yeganə sual: gedib işi bitirəcəyikmi, yoxsa onlar razılaşma imzalayacaqlar?", - deyə o əlavə edib.
Tramp İranla danışıqların son mərhələdə olduğunu, lakin razılaşma əldə olunmasa əlavə hücumların olacağını bildirib.
