Ukrayna Prezidenti Volodimir Zelenski Aİ liderlərinə yazdığı məktubda Almaniyanın Ukraynaya "assosiativ" üzvlük təklifini "ədalətsiz" adlandırıb. O, bunun Kiyevi blok daxilində səs hüququndan məhrum edəcəyini bildirib.
Almaniya Kansleri Fridrix Merz Ukraynanın tam üzvlüyə qədər Aİ iclaslarında səs hüququ olmadan iştirakını təklif edib. Bu, dörd il davam edən müharibəyə son qoymağa kömək edə bilər.
Zelenski məktubunda Macarıstan Baş naziri Viktor Orbannın seçkilərdən sonra getməsi ilə üzvlük danışıqlarında irəliləyiş imkanı yarandığını qeyd edib. "Ukraynanın Aİ-də iştirak etməsi, lakin səssiz qalması ədalətsiz olardı", - deyə o vurğulayıb.
Zelenski Aİ liderlərinə dəstəklərinə görə təşəkkür edib və Ukraynanın Rusiya təcavüzünə qarşı bütün Avropanı müdafiə etdiyini bildirib.
