Hindistanlı müstəntiqlər ötən il baş vermiş ölümcül Air India qəzası ilə bağil yekun deyil, aralıq hesabat hazırlayır. Məlumata görə, bu hesabat Boeing 787 qəzasının ildönümü ərəfəsində təqdim ediləcək. Qəzada 260 nəfər həlak olmuşdu.
Hindistanın Təyyarə Qəzalarının Araşdırılması Bürosu (AAIB) tərəfindən hazırlanan aralıq hesabat keçən ilki ilkin hesabatdan daha əhatəli olacaq. Hesabatda əsas səbəblər və digər amillər araşdırılacaq.
İlkin hesabata görə, Dreamliner-in mühərrik yanacaq açarları demək olar ki, eyni anda dəyişdirilib və mühərriklər yanacaqsız qalıb. Bu, təyyarənin Əhmədabaddan Londona uçuşundan qısa müddət sonra baş verib.
ABŞ rəsmiləri kapitanın mühərriklərə yanacaq axınını kəsdiyini bildirir. AAIB isə hələlik qəti nəticə çıxarmağın tez olduğunu deyir.
Aralıq hesabatın buraxılması Hindistan səlahiyyətlilərinin nəticələri ABŞ Nəqliyyat Təhlükəsizliyi Şurası (NTSB) ilə vaxtından əvvəl bölüşməməsinə imkan verəcək. NTSB yekun hesabata şərh verə bilər.
Yekun hesabatın qəza ildönümünə qədər hazır olmayacağı bildirilir. Araşdırma mürəkkəb olduğu üçün daha çox vaxt tələb olunur.
Beynəlxalq qaydalara görə, yekun hesabat qəzadan sonra bir il ərzində təqdim edilməlidir. Lakin bəzən araşdırmalar daha uzun çəkir.
