ABŞ Ədliyyə Departamenti, Telekom Malaysia (TM) şirkətinin üç yüksək vəzifəli əməkdaşını 20 milyon dollardan çox mənimsəməkdə ittiham edib.
İttiham olunanlar – Mohd Hafiz Lockman, Mohd Yuzaimi Yusof və Khanh Thuong Nguyen – TM-nin ABŞ filialında çalışıblar. Onlar 2020-2026-cı illər arasında saxta sənədlərlə şirkətdən vəsait çıxarmaqda günahlandırılır.
FBI rəhbəri James Barnacle, onların qəsdən mənimsəmə planı həyata keçirdiklərini bildirib. Mohd Hafiz San-Fransisko hava limanında həbs olunub, digər iki şübhəli isə təslim olub.
Şirkət cinayəti özü bildirib və əməkdaşlığa hazır olduğunu göstərib. TM-nin özünə qarşı ittiham irəli sürülməyib.
İddiaya görə, onlar şirkətin pulunu öz hesablarına köçürüb, saxta xərclər üçün kompensasiya tələb edib, hətta işçi maaşlarını ələ keçiriblər.
