Uber (NYSE: UBER) və DoorDash (NASDAQ: DASH) qida çatdırılması şirkəti Delivery Hero-nun potensial alınması barədə investorlarla danışıqlar aparıb. Bu barədə Financial Times məlumat yayıb.
Mənbələrə görə, bir çox investor səhm başına 40 avrodan yuxarı qiymət gözləyir. Şirkətin idarə heyəti ya tam satış, ya da Yaxın Şərq və Cənubi Koreya bölmələrinin ayrılması variantlarını nəzərdən keçirir.
DoorDash əsasən şirkətin Yaxın Şərq biznesi, o cümlədən Talabat və HungerStation ilə maraqlanır.
Uber isə artıq Delivery Hero-nun ən böyük səhmdarına çevrilib. Ötən həftə şirkət payını 7%-dən 19.5%-ə çatdırdığını açıqlayıb.
Delivery Hero-nun baş direktoru Niklas Oestberg istefa verəcəyini bildirib. Şirkətin səhmləri son 6 ayda Frankfurt birjasında təxminən 110% artaraq bazar dəyərini 10.2 milyard avroya çatdırıb.
