Tehranın ABŞ-a son sülh təklifi Livanda daxil olmaqla bütün cəbhələrdə hərbi əməliyyatların dayandırılması, ABŞ qüvvələrinin İrana yaxın ərazilərdən çıxarılması və ABŞ-İsrail müharibəsinin vurduğu ziyanın ödənilməsini əhatə edir, dövlət media xəbər verir.
Xarici İşlər Nazirliyinin müavini Kazım Qəribabadi Tehranın sanksiyaların ləğvi, dondurulmuş vəsaitlərin azad edilməsi və ABŞ dəniz blokadasının sona çatmasını da istədiyini bildirib.
ABŞ Prezidenti Donald Tramp iranlıların təklifini əvvəl "zibil" adlandırsa da, yeni təklifi nəzərdən keçirdiyini deyib.
Pakistanlı mənbə İslamabadın təklifi Vaşinqtona çatdırdığını təsdiqləyib. "Tərəflər daim mövqelərini dəyişirlər, çox vaxtımız yoxdur" deyə mənbə bildirib.
İranlı rəsmi ABŞ-ın danışıqlarda daha çevik olduğunu, dondurulmuş vəsaitlərin dörddə birini azad etməyə razılaşdığını və İranın nüvə fəaliyyətinə icazə verə biləcəyini söyləyib. ABŞ bu iddiaları təsdiqləməyib.
