Rusiya Ukraynanın Odessa və Dnepr şəhərlərini raket və PUA hücumlarına məruz qoyub. Nəticədə yaşayış binaları zədələnib, onlarla insan yaralanıb. Rusiya rəsmiləri Ukraynanın PUA hücumlarında iki nəfərin öldüyünü bildirib.
Dörd ildən çoxdur davam edən müharibədə sülh səyləri dayanıb. Tərəflər bir-birini hərbi, mülki və enerji hədəflərinə mütəmadi hücum etməkdə ittiham edir.
Ukrayna Hava Qüvvələri Rusiyanın 524 PUA və 22 raket buraxaraq hücuma keçdiyini açıqlayıb. Hücumlar bazar günü axşam başlayıb və gecə boyu davam edib.
Dneprdə 22 nəfər, o cümlədən 2 və 10 yaşlı uşaqlar yaralanıb. Rayon rəhbəri Oleksandr Hanja yaşayış binaları, dini məkan və universitetin zədələndiyini bildirib.
Prezident Vladimir Zelenski “Rusiya ballistik raketlərlə insanları hədəf alır. Buna görə Avropada etibarlı müdafiə təmin etməliyik” deyib.
Ukraynanın Naftoqaz şirkəti PUA-ların regiondakı obyektlərinə zərər verdiyini bildirib.
Odessa limanında Rusiya PUA-ları yaşayış binaları, məktəb və uşaq bağçasını zədələyib. 11 yaşlı oğlan və 59 yaşlı kişi yaralanıb.
Rusiyanın Rostov və Belqorod vilayətlərində PUA-lar vurulub. Belqorodda iki nəfər ölüb, iki nəfər yaralanıb.
