Rusiya və Çin ABŞ Prezidenti Donald Trampın yeni raketdən müdafiə qalxanı planlarını tənqid edib. Onlar bu addımın strateji sabitliyi təhlükəyə atdığını bildiriblər.
Çin prezidenti Si Cinpin Pekində Rusiya prezidenti Vladimir Putinlə görüşü zamanı birgə bəyanat yayılıb. Bəyanatda ABŞ-ın nüvə müqaviləsinin əvəzini tapmamaqda məsuliyyətsiz davrandığı qeyd olunub.
Trampın "Qızıl Qübbə" adlandırdığı layihə yerüstü müdafiə sistemlərini genişləndirməyi, eyni zamanda kosmik əsaslı elementləri də əhatə edir. Bu elementlər peyk şəbəkələri vasitəsilə təhdidləri izləyib məhv etməyi hədəfləyir.
Rusiya və Çin bəyanatında qeyd edir ki, bu layihə bütün növ raketləri məhv etməyi hədəfləyən qeyri-məhdud, çoxsəviyyəli qlobal sistemdir. Bu, strateji sabitlik prinsipinə ziddir.
Həmçinin, iki ölkə ABŞ-ı 2010-cu ildə imzalanmış Yeni START müqaviləsinin müddətinin bitməsinə icazə verməkdə günahlandırıb. Onlar bunu "məsuliyyətsiz siyasət" adlandırıblar.
