Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, "ASAN xidmət" mərkəzlərinin əməkdaşları üçün xidməti geyimlərin alınması məqsədilə açıq tender elan edib.
Tenderin təxmini dəyəri 1 milyon 763 min 753 manat 67 qəpik təşkil edir. Satınalma sənədlərinə əsasən, müxtəlif geyim növləri nəzərdə tutulub.
Planlaşdırılan geyimlərə 1 071 kişi kostyum dəsti, 1 810 qadın kostyum dəsti (pencək, ətək və ya şalvar), 2 133 loqolu qalstuk, 2 140 kişi uzunqol köynək və 3 620 qadın uzunqol köynək daxildir.
Bundan əlavə, digər geyim və aksesuarlar da tədarük ediləcək. Ümumilikdə tender 10 maddəlik məhsul tədarükünü əhatə edir.
