Azərbaycan Prezidentinin köməkçisi Hikmət Hacıyev NATO-nun Cənubi Qafqaz və Mərkəzi Asiya üzrə xüsusi nümayəndəsi Kevin Hemiltonla görüşüb.
Görüş zamanı Hacıyev bildirib ki, Azərbaycan NATO-nun etibarlı tərəfdaşıdır və əməkdaşlığın bir çox sahələrində əhəmiyyətli irəliləyişlər əldə olunub.
Xüsusilə, qarşılıqlı uyğunluğun artırılması istiqamətində tərəqqi vurğulanıb. Tərəflər tərəfdaşlığın müxtəlif aspektlərini müzakirə edib və qarşılıqlı maraq doğuran məsələlər ətrafında fikir mübadiləsi aparıblar.
