Bakıda nənəsinin evindən xalasının pullarını oğurlayan şəxs məhkəmə qarşısına çıxıb. 1998-ci il təvəllüdlü Ə.İ. 8 000 manat pulu oğurladığına görə mühakimə olunub.
Hadisə Xətai rayonunda baş verib. Ə.İ. nənəsi Əminənin evinə gedərək orada yaşayan fiziki məhdudiyyətli xalası Güllərin pulunu götürüb.
O, oğurladığı vəsaitlə Xəzər rayonunun Şüvəlan qəsəbəsində gündəlik 250 manata həyət evi icarəyə götürüb, qalanını isə əyləncələrə xərcləyib. Məhkəmədə peşman olduğunu bildirən Ə.İ. zərəri tam ödədiyini və xalası ilə barışdığını qeyd edib.
Məhkəmənin qərarı ilə Ə.İ. 1 il 11 ay 26 gün müddətinə azadlığın məhdudlaşdırılması cəzasına məhkum edilib. O, cəza müddətində saat 23:00-dan 07:00-dək evdən çıxmamalı və elektron nəzarət vasitəsi daşımalıdır.
