Mayın 17-də Biləcəri Enerji Təchizatı və Satışı İdarəsinin ərazisində 110/35/6 kV-luq "ETK-4" yarımstansiyasında təmir işləri aparılacaq.
"Azərişıq" ASC-dən bildirilib ki, saat 01:00-dan 04:00-dək Binəqədi kəndi və ətrafı, Biləcəri qəsəbəsinin Məmədoğlular, M.Aslanov, 10 May küçələri və DSK yolu adlanan ərazinin bir hissəsində elektrik enerjisinin verilişində məhdudiyyət olacaq.
İşlər başa çatdıqdan sonra həmin ərazilər daha keyfiyyətli elektrik enerjisi ilə təmin ediləcək.
