Rusiya Dövlət Dumasının sədri Vyaçeslav Volodin, ölkəyə gələn əcnəbilər üçün rüsumların kəskin artırılmasını planlaşdırdıqlarını açıqladı. Onun sözlərinə görə, ödənişlər 5-12 dəfə artırılacaq.
Bu dəyişiklik yaşamaq icazəsi və ya vətəndaşlıq almaq istəyənlərə şamil olunacaq. Volodin, bunu "Rusiya 24" telekanalında müsahibəsində bildirib.
O, Dövlət Dumasının daha layiqli rüsum tətbiq edilməsini dəstəklədiyini vurğulayıb. Siyasətçi, əcnəbilərin rus dilini bilməli, adət-ənənələrə hörmət etməli və qanunlara riayət etməli olduğunu qeyd edib.
