ChatGPT, Claude və Gemini kimi süni intellekt platformalarının populyarlaşması iş yerləri və gündəlik həyata təsirləri ilə bağlı qlobal narahatlıqları artırır. Reuters-in analitik məqaləsinə görə, Google-un keçmiş CEO-su Erik Şmidt bildirib ki, süni intellektin bəşəriyyətə təsiri əvvəlki bütün texnoloji yeniliklərdən daha böyük olacaq.
“Bu texnologiya hər bir peşəyə, sinfə, xəstəxanaya və insana təsir göstərəcək”, - deyə o qeyd edib. Narahatlıqların əsaslı olduğunu iri şirkətlərin qərarları da sübut edir:
- Standard Chartered 7000-dən çox iş yerini ixtisar edəcəyini açıqlayıb.
- Meta işçi heyətinin 10%-ni ixtisar etməyi planlaşdırır.
- Amazon son aylarda 30 000 iş yerini ixtisar edib.
Ən bariz etiraz ABŞ gəncləri arasında müşahidə olunur. Gallup-un hesabatına görə, Z nəslinin əksəriyyəti süni intellektə qarşı qəzəb və qorxu hissi keçirir. Respondentlərin yalnız 15%-i süni intellekti müsbət qiymətləndirib.
