Ukrayna Prezidenti Volodimir Zelenski yeni sanksiyalar paketini təsdiqləyib. Siyahıya İran vətəndaşları da daxil edilib.
Milli Təhlükəsizlik və Müdafiə Şurasının qərarı ilə tətbiq edilən məhdudiyyətlər 120 fiziki şəxs və təşkilatı əhatə edir. Sanksiyalar Aİ qərarları ilə uyğunlaşdırılıb.
Siyahıda 16 Rusiya vətəndaşı və şirkəti, həmçinin Belarus, İran, BƏƏ və digər ölkələrdən 31 şirkət var. 19 İran vətəndaşı və 7 Sudan vətəndaşı da sanksiyalara məruz qalıb.
Qeyd edək ki, aprelin 17-də Zelenski Rus Pravoslav Kilsəsinin 9 nümayəndəsinə qarşı sanksiya tətbiq etmişdi.
