Hörmüz boğazının blokadası nəticəsində neft qiymətlərinin artması ən həssas iqtisadiyyatlara ciddi zərbə vuracaq və təxminən bir milyard insanın həyatına təsir göstərəcək.
Bu barədə BMT-nin Ticarət və İnkişaf Konfransı (UNCTAD) tərəfindən hazırlanmış hesabatda qeyd olunub.
Dünyanın ən həssas 75 iqtisadiyyatından 65-i neft idxalından asılıdır. Enerji daşıyıcılarının bahalaşması xərclərin artmasına səbəb olacaq.
UNCTAD-ın nümayəndəsi Marselo Risi bildirib ki, bu vəziyyət 983 milyon insana təsir göstərə bilər. Onların üçdə biri gündə 3 dollardan az gəlirlə yaşayır.
Neft qiymətlərinin 50% yüksək qalması halında həssas ölkələrin neft idxalı xərcləri 20 milyard dollar arta bilər.
Neftin bahalaşması inflyasiyanı sürətləndirəcək, qlobal iqtisadi artımı zəiflədəcək.
Aprelin 13-də ABŞ Prezidenti Donald Tramp Hörmüz boğazının blokadaya alındığını bəyan etmişdi. Bu boğazdan dünya neft ixracının 20-30%-i həyata keçirilir.
Neftin qiyməti bir barel üçün 100 dolları keçib və qlobal iqtisadi böhran riskini artırıb.
