İran iqtisadiyyatı SOS siqnalı verir. May ayında istehlak qiymətləri indeksi illik müqayisədə 77,2% artıb. Bu, 1942-ci ildən bəri ən yüksək səviyyədir.
AP agentliyinin məlumatına görə, aprel ayı ilə müqayisədə artım 8,5% təşkil edib. Dərman, taksi, tütün və rabitə kimi gündəlik tələbat mallarında illik inflyasiya 113,8%-ə çatıb.
Bamdad İqtisadi Araşdırmalar İnstitutu bildirir ki, bu göstəricilər II Dünya Müharibəsindən bəri görünməmiş həddədir. Səbəblər arasında ABŞ və İsrailin zərbələri ilə İranın biznes və neft sektoruna dəyən ziyan göstərilir. 2015-ci ildə 1 dollar 32 min rial ikən, indi 1,7 milyon rialı ötüb.
