Mayın 23-də Naxçıvanda baş verən yol qəzasında xəsarət alan daha bir nəfər xəstəxanada həyatını itirib.
Oxu.Az xəbər verir ki, hadisə Babək rayonunun Çeşməbasar kəndi yaxınlığında qeydə alınıb.
Hyundai markalı avtomobilin yoldan çıxaraq aşması nəticəsində ağır yaralanan 2002-ci il təvəllüdlü Şahin Vəliyev bu gün vəfat edib.
Qeyd edək ki, qəzadan üç gün sonra 22 yaşlı Nail Əlizadə də xəstəxanada ölmüşdü. Beləliklə, ölənlərin sayı 2-yə çatıb.
Hazırda xəsarət alan daha 4 nəfərin müalicəsi davam etdirilir. Faktla bağlı araşdırma aparılır.
