Aprel-may aylarında havaların qeyri-sabit keçməsi və leysan yağışlar Quba rayonundakı gilas bağlarına ciddi ziyan vurub. Yetişməkdə olan məhsulun böyük hissəsi ağacların üzərində məhv olub.
Fermerlərdən biri deyib: "Dərmana, qulluğa xeyli xərc çəkmişik, zəhmət sərf etmişik. Amma həm zəhmətimiz, həm də pulumuz batır. Əvvəllər bir ağacdan 100-120 kiloqram gilas yığırdıq. İndi isə 15-20 kiloqram da çətin".
Digər fermer qeyd edib: "İstər yerli, istərsə də xarici sortlar olsun, demək olar ki, heç birində məhsul yoxdur. May gilası artıq tarixə qovuşub. Kredit götürənlər ödəmədə çətinlik çəkir. Təkcə mənim zərərim 20 min manatdır. Bağlarımızı sığortalamamışıq".
Mütəxəssislər fermerlərə bağlarını vaxtında sığortalamağı tövsiyə edir.
