ABŞ dövlət katibi Marko Rubio Türkiyədə keçiriləcək NATO sammitinin 'əyləncəli' keçəcəyini gözlədiyini bildirib.
Oxu.Az xəbər verir ki, o, ABŞ Senatının Xarici Əlaqələr Komitəsindəki dinləmələrdə çıxış edib.
'NATO görüşü əyləncəli olacaq', - deyə Rubio ABŞ-nin müttəfiqlərə iradlarına işarə edib.
O, ABŞ-nin NATO öhdəliklərinə sadiqliyi ilə bağlı sualı cavablandırarkən bildirib ki, alyans üzvlüyünün əsas üstünlüklərindən biri fövqəladə hallarda müttəfiq bazalarından istifadə hüququdur.
'İspaniya kimi bəzi ölkələr bazalarımızdan istifadəyə icazə vermədikləri ilə fəxr edir. Bu, ABŞ-nin iştirakının məqsədəuyğunluğunu şübhə altına alır', - deyə Rubio vurğulayıb.
NATO-nun 36-cı sammiti 7-8 iyulda Ankaradakı Beştəpə Prezident Kompleksində keçiriləcək. Türkiyə sonuncu dəfə 2004-cü ildə İstanbulda ev sahibliyi edib.
