Bakının Xətai rayonunda evlərdən birindən oğurluq hadisəsi baş verib.
Zərərçəkən polisə müraciət edərək mənzilindən 10 min manatdan çox pulun oğurlandığını bildirib.
Xətai Rayon Polis İdarəsi əməkdaşları əməliyyat nəticəsində 39 yaşlı Taleh Muxtarovu saxlayıblar. O, əvvəllər məhkum olunub.
Araşdırmalar zamanı məlum olub ki, Muxtarov oğurladığı pulun bir hissəsi ilə brend geyim mağazalarından alış-veriş edib.
Faktla bağlı araşdırma davam edir.
