Paytaxt sakini Tahirə Fərəcova, qardaşına məxsus mənzilin söküldüyünü, lakin kompensasiya ala bilmədiyini bildirir.
Baku TV-yə müraciət edən Fərəcova deyir ki, Xətai rayonu, Kamandar Əhmədov küçəsi, 2 ünvanındakı mənzil 2024-cü ilin iyulunda sökülüb.
O qeyd edir ki, mənzillər vaxtilə ailə tərkibinə görə İcra Hakimiyyəti tərəfindən verilib. Füzuli rayonundan qaçqın ailə müvəqqəti yerləşdirilsə də, sənədlər onların adına olub.
Xətai Rayon İcra Hakimiyyəti isə bildirir ki, söküntü qanunvericiliyə uyğun aparılıb, kompensasiyalar ödənilib. 49 saylı mənzilin kompensasiyası faktiki yaşayan vətəndaşlara verilib.
