İyunun 5-nə keçən gecə Azov dənizində 25 azərbaycanlının olduğu iki gəmi vurulub. Həlak olanlardan biri Zaqatala rayonu, Aşağı Tala kənd sakini, 1997-ci il təvəllüdlü Məhəmməd İlham oğlu Əliyevdir.
Məhəmməd Əliyevin qardaşı Elvin Əliyev jurnalistlərə açıqlama verib: "Qardaşım beş ildən artıq idi ki, bu sahədə işləyirdi. Özü kapitan köməkçisi idi. Bu gün səhər onun dünyasını dəyişdiyini öyrəndim. Başqa bir gəmidə işləyən dostu zəng edib bu ağır xəbəri mənə çatdırdı. Cənazənin iki günə gətiriləcəyini dedilər. İndi mən də bir qardaş kimi yolunu gözləyirəm. Evli idi, bir övladı var."
M.Əliyev bir neçə il əvvəl Zaqatala rayonundan Rusiyaya köçüb və gəmidə kapitanın 2-ci köməkçisi kimi çalışıb. Ailəli olub, bir azyaşlı oğlu qalıb.
