"Qarabağ"ın baş məşqçisi Qurban Qurbanov, intizamsızlığa görə əvəzedici heyətə göndərdiyi Elvin Cəfərquliyevi satmaq qərarına gəlib.
Oxu.Az "Qafqazinfo"ya istinadla xəbər verir ki, bu barədə futbolçunun agenti Tural Əsgərov məlumat verib.
Agent bildirib ki, Cəfərquliyevin Ağdam klubundan ayrılma ehtimalı böyükdür.
"Qarabağ" onun transferə çıxarılmasına razılıq verdi və biz başqa klublarla danışıqlar aparırıq. Hazırda razılaşdığımız klub yoxdur. Əgər klubla və transfer məbləğində razılığa gəlsək, keçid baş tutacaq."
