Azərbaycan və Rusiya hökumətləri arasında aparılan danışıqlar nəticəsində razılıq əldə olunub. Rusiya tərəfi qəzada həyatını itirmiş Azərbaycan vətəndaşlarının vərəsələrinə kompensasiya ödəyəcək.
Oxu.Az xəbər verir ki, bu barədə "Azərbaycan Hava Yolları" QSC-nin (AZAL) İdarə Heyətinin sədri Samir Rzayev müsahibəsində bildirib. O, 2024-cü ilin dekabrında AZAL təyyarəsinin vurulması ilə bağlı sualı cavablandırıb.
Samir Rzayev qeyd edib ki, razılaşmaya əsasən, AZAL-a dəymiş zərər də Rusiya hökuməti tərəfindən kompensasiya ediləcək: "Ümumilikdə ayrılan vəsaitin köçürülməsi yaxın zamanda planlaşdırılır. Daha sonra vəsait vəfat etmiş şəxslərin vərəsələrinə ödəniləcək".
