Sosial şəbəkələrdə paytaxtın 212 nömrəli tam orta məktəbində 8-ci sinif şagirdinin salto vurması əks olunan görüntülər yayılıb.
Məktəb rəhbərliyindən bildirilib ki, həmin şagird davranış qaydalarını mütəmadi pozur. Psixoloq və rəhbərlik tərəfindən söhbətlər aparılsa da, valideyn dəfələrlə dəvət edilsə də, nəticə dəyişməyib.
Psixoloq İlahə Dadaşova deyir: “Davranış pozuntusu ailədə formalaşır. Yeniyetmələr özünü təsdiq etmək üçün neqativ yollara əl atır. Natamam ailə quruluşu və diqqətsizlik əsas səbəbdir.”
Sosioloq Mail Yaqub əlavə edir: “Sosial şəbəkələr yeniyetmələrə güclü təsir göstərir. Onlar gördüklərini təqlid edir. Valideyn və müəllimlər həssas olmalıdır.”
