Azərbaycan Xarici İşlər Nazirliyi Çinə başsağlığı verib.
Nazirliyin sosial şəbəkə hesabında bildirilib: "Çinin Şansi əyalətində kömür mədənində baş verən faciəli partlayışdan dərin kədər hissi keçiririk. Həlak olanların ailələrinə başsağlığı verir, yaralılara şəfa diləyirik. Xilasetmə işlərində iştirak edənlərlə həmrəyik".
Xatırladaq ki, partlayış nəticəsində azı 82 nəfər ölüb.












