AZAL-ın İdarə Heyətinin sədri Samir Rzayev aviabilet qiymətləri barədə danışıb.
O, qeyd edib ki, AZAL aşağı büdcəli aviaşirkət deyil və müqayisə doğru deyil. Qiymətlər beynəlxalq standartlara əsasən formalaşır.
Rzayev vurğulayıb ki, qiymətə təsir edən amillər sərnişin sayı, uçuş tarixi və tələb-təklifdir. Sərnişinlər üçün erkən rezervasiya, kampaniyalar və hissə-hissə ödəniş təklif edilir.
O, həmçinin bildirib ki, Heydər Əliyev Hava Limanında 40 aviaşirkət fəaliyyət göstərir, onlardan 15-i aşağı büdcəlidir. 2025-ci ildə 1.7 milyon sərnişin aşağı büdcəli şirkətlərlə uçub, ümumi sərnişin sayı 3.5 milyonu ötüb. AZAL-ın payı 49%, xarici şirkətlərin payı 51% təşkil edir.
Rzayev əsas məqsədin turizmin inkişafı olduğunu vurğulayıb.
