İran Prezidenti Məsud Pezeşkian hökumətə göstəriş verib: zəruri malların idxalı üçün Azərbaycan və digər qonşu ölkələrin imkanlarından istifadə edilsin.
Bu qərar nazirlər və Mərkəzi Bank rəhbəri ilə görüşdən sonra açıqlanıb. Pezeşkian şimal limanlarının potensialının artırılmasını və alternativ ticarət dəhlizlərinin inkişafını vurğulayıb.
Prezident qeyd edib ki, lazım gələrsə, maneələri aradan qaldırmaq üçün qonşu ölkələrin liderləri ilə şəxsən danışacaq. Görüşdə cənub sərhəd məntəqələrindəki məhdudiyyətlər də müzakirə edilib.
İqtisadiyyat nazirinin hesabatına görə, qonşu ölkələrlə əlaqələr gücləndirilib və idxal asanlaşdırılıb.
