İcbari Sığorta Bürosu (İSB) vətəndaş məmnuniyyətini artırmaq məqsədilə yeni təşəbbüsə imza atıb. Xidmətlərin əlçatanlığını və şəffaflığını gücləndirmək üçün "ASAN xidmət" mərkəzlərində fəaliyyətə başlanılır.
Prezident yanında Dövlət Agentliyinin 2 saylı Bakı "ASAN xidmət" mərkəzində İSB-nin xidmət pəncərəsi yaradılıb. İyulun 6-dan etibarən vətəndaş müraciətləri yalnız bu ünvanda qəbul ediləcək: Bakı şəhəri, 8 Noyabr prospekti 23, AMAY Ticarət Mərkəzinin 2-ci mərtəbəsi.
İSB rəqəmsal yeniliklərə də önəm verir. www.isb.az saytının "Şəxsi kabinet" və "Elektron xidmətlər" bölmələri ilə bir çox xidmətdən onlayn yararlanmaq mümkündür. Həmçinin, "İcbari sığorta müqavilələrinin yoxlanılması" bölməsi ilə müqavilələrin qüvvədə olması yoxlanıla bilər.
İSB gələcəkdə daha rahat və innovativ xidmətlər təqdim etməyə davam edəcək.
