SİNQAPUR, 30 May - Bond.az. ABŞ Müdafiə katibi Pit Heqset bildirib ki, əgər İranla razılaşma əldə edilməzsə, Vaşinqton yenidən zərbələr endirməyə hazırdır.
O, Sinqapurdakı Şanqri-La Dialoqunda çıxışı zamanı deyib: 'Lazım gələrsə, döyüş əməliyyatlarını bərpa etmək qabiliyyətimiz var. Həm orada, həm də qlobal miqyasda ehtiyatlarımız kifayətdir.'
Heqset vurğulayıb ki, ABŞ Asiya-Sakit okean regionundan üz döndərməyib: 'Biz eyni anda iki işi görə bilərik. Müdafiə sənayemizi gücləndiririk ki, çox qısa zamanda 2, 3, 4 qat artıq sursat istehsal edək.'
Pentaqon rəhbəri Donald Trampın 'səbirli' olduğunu və İranın nüvə silahı əldə etməsinin qarşısını alacaq 'böyük bir razılaşma' istədiyini bildirib.
Qeyd edək ki, ABŞ və İsrail fevralın 28-də başlatdığı müharibədə əsasən İran və Livanda minlərlə insan həlak olub, İranın Hörmüz boğazını bağlaması səbəbindən enerji qiymətləri artıb.
