ABŞ Avropadakı hərbi varlığını azaltmağı sürətləndirməyi planlaşdırır. Müdafiə Nazirliyinin yüksək vəzifəli rəsmisinə istinadən xəbər verən Welt am Sonntag qəzeti bildirir ki, Konkret təkliflər həftələr ərzində NATO müttəfiqlərinə təqdim edilə bilər.
Hazırlanan planlar hansı hərbi qabiliyyət və qoşun yerləşdirmələrinin azaldılacağını göstərir. Bu, Avropanın müdafiəsi üçün daha çox məsuliyyət daşıması istiqamətində atılan addımdır.
Təkliflər NATO-nun iyun ayında keçiriləcək Force Sourcing Konfransında müzakirə olunacaq. Pentagon rəsmisi bildirib: "Müttəfiqlərə keçidi mümkün qədər tez və effektiv həyata keçirmək üçün lazımi məlumat və aydınlıq təmin etmək istəyirik."
Bu addım ABŞ Prezidenti Donald Trampın Avropalı NATO üzvlərinin müdafiə xərclərini artırması ilə bağlı çağırışlarına uyğundur. ABŞ-ın diqqətini Çin və Hind-Sakit okean regionuna yönəltməsi, həmçinin İranla münaqişə ilə bağlı hərki öhdəliklər Avropanın Rusiyaya qarşı əsas müdafiə məsuliyyətini üzərinə götürməsi fikrini gücləndirir.
