31 may tarixində ABŞ-ın Yeni İngiltərə bölgəsində parlaq bir meteor alovlanaraq partladı. NASA peyk məlumatlarına istinadən xəbər verir.
Hadisə saat 14:06 EST-də baş verdi. NOAA-nın GOES-19 peyki və şahidlər tərəfindən qeydə alındı.
Meteor Massaçusets şimal-şərqi və Nyu-Hempşir cənub-şərqi üzərində təxminən 64 km yüksəklikdə parçalandı.
Partlayışın enerjisi təxminən 300 ton TNT-yə bərabər idi. Bu səbəbdən bölgədə güclü səs eşidildi.
Meteorlar səsdən sürətli hərəkət edir. Atmosferdə yanarkən təzyiq dalğaları yaradır və bu, yerdə partlayış səsi kimi eşidilir.
