Çin Ticarət Nazirliyi, ABŞ Prezidenti Donald Trampın səfəri zamanı əldə edilən tarif, kənd təsərrüfatı və təyyarə sazişlərini "ilkin" olaraq qiymətləndirib.
Tramp cümə günü Pekindən ayrıldı. Danışıqların sonunda konkret nəticələr məhdud qaldı.
Nazirlik açıqlamasında, tərəflərin investisiya və ticarət şuraları yaratmağa razı olduğunu bildirib. Məqsəd, qarşılıqlı tarif endirimləri və kənd təsərrüfatı məhsulları üzrə danışıqları davam etdirməkdir.
"ABŞ tərəfi, süd məhsulları, su məhsulları və quş qripi ilə bağlı Çinin uzunmüddətli narahatlıqlarını həll etməyə çalışacaq", - deyə nazirlik qeyd edib.
Çin də, ABŞ-ın bəzi ştatlarından ət və quş əti ixracı ilə bağlı narahatlıqları həll edəcəyini bildirib.
Nazirlik, həmçinin, Çinin ABŞ-dan təyyarə alışı və mühərrik tədarükü ilə bağlı razılaşmaların təfərrüatlarının müzakirə olunduğunu və "mümkün qədər tez" yekunlaşdırılacağını qeyd edib.
