Dövlət İmtahan Mərkəzi (DİM) V ixtisas qrupu üzrə qabiliyyət imtahanlarının qrafikini açıqlayıb. İmtahanlar 22 iyun 2026-cı ildən başlayır.
Təsviri sənət, idman, teatr, kino və xoreoqrafiya istiqamətləri üzrə imtahanlar keçiriləcək. Abituriyentlər buraxılış vərəqəsini çap edərək imtahana gəlməlidir.
İdman ixtisasları üçün tibbi arayış, xoreoqrafiya üçün rəqs paltarı və musiqi faylı (fləşkart və ya diskdə) tələb olunur. Mobil telefonlar qəbul edilmir.
Musiqi istiqaməti üzrə imtahanlar iyulun 1-dən başlayacaq. Ətraflı qrafik DİM-in səhifəsində yer alacaq.
