Bakıda üçüncü dəfə təşkil olunan beynəlxalq "Nine Senses Fest 2026" festivalı bu gün start götürüb.
Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən festival iyunun 12-14-dək davam edəcək.
Altı məkanda baş tutacaq tədbir 1500 iştirakçı və 80 eksperti bir araya gətirib.
"Köklərdən İnkişafa" mövzusu ilə keçirilən festivalın rəmzi ağacdır.
Qonaqları səs meditasiyaları, canlı musiqi və immersiv performanslar gözləyir.
Açılış mərasimində "Transformasiya" adlı performans təqdim olunub.
Akademik direktoru Natalya Jukova daxili harmoniya ilə həyat ritminin balansını vurğulayıb.
