Vaşinqton və Tehran münaqişənin başa çatdırılmasına dair anlaşma memorandumunun razılaşdırılmasına hər zamankından daha yaxındırlar.
Oxu.Az xəbər verir ki, bu sözləri İranın xarici işlər naziri Abbas Əraqçı "X" sosial şəbəkə hesabında yazıb.
O, medianı sənədin məzmunu ilə bağlı spekulyasiyalardan çəkinməyə çağırıb. "İslamabad anlaşma memorandumu heç vaxt bu qədər yaxın olmamışdı", - deyə nazir vurğulayıb.
Əraqçı əlavə edib ki, münaqişənin başa çatmasına dair memorandumun təfərrüatı uyğun vaxtda dərc olunacaq.
Xatırladaq ki, daha əvvəl ABŞ Prezidenti Donald Tramp bəyan etmişdi ki, Vaşinqton və Tehran münaqişənin nizamlanmasının ümumi konsepsiyasının təsbit olunacağı anlaşma memorandumu imzalamaq niyyətindədirlər.
