Uşaqların sosial şəbəkələrdən istifadəsi artıq qanunla tənzimlənəcək. Milli Məclisin iyunun 8-də keçirilən iclasında müzakirəyə çıxarılan qanun layihəsinə əsasən, 16 yaşı tamam olmamış şəxslərə fərdi rəqəmsal hesab yaratmaq qadağan edilir.
Baku TV-nin sorğusunda iştirak edən paytaxt sakinləri yeni tənzimləməni dəstəkləyib. Vətəndaşlar qeyd edib ki, uşaqlar yaşlarına uyğun olmayan videolara baxır və bu hərəkətləri təkrarlayır. "Nəvələrimi sosial şəbəkələrdən uzaqlaşdırmaq çətindir" deyə bir sakin bildirib.
Yeni qanuna əsasən, platformaların siyahısı müvafiq qurum tərəfindən müəyyən olunacaq. Provayderlər yaş məhdudiyyətinə nəzarət üçün şəxsin yaşını bəyan etməlidir. 16-18 yaş arası uşaqlar üçün isə valideynin razılığı tələb olunacaq.
