İyunun 12-də Elm və Təhsil Nazirliyində cəzaçəkmə müəssisələrində peşə təhsilinin keyfiyyətinin yüksəldilməsi üçün İşçi Qrupunun ilk görüşü keçirilib.
Görüşdə Elm və Təhsil, Ədliyyə, Əmək və Əhalinin Sosial Müdafiəsi nazirliklərinin nümayəndələri iştirak ediblər.
İşçi Qrupunun sədri Turxan Süleyman 2025-2030-cu illər üçün Fəaliyyət Planı çərçivəsində peşə təhsili standartlarının yenilənməsi və proqramların uyğunlaşdırılması barədə məlumat verib.
Müzakirələrdə məhkumlara yönəlik peşə təhsili proqramlarının cəzaçəkmə müəssisələrinin daxili qaydalarına uyğunlaşdırılması, standartların yenilənməsi və çərçivə sənədinin hazırlanması məsələləri müzakirə olunub.
Qeyd edək ki, İşçi Qrupu nazir əmri ilə yaradılıb və tərkibinə müvafiq qurumların nümayəndələri daxildir.
