Azərbaycan Dövlət Su Ehtiyatları Agentliyi (ADSEA), Prezident İlham Əliyevin təsdiq etdiyi rəqəmsal inkişaf planı çərçivəsində xidmətlərini mygov platformasına köçürür.
Mayın 12-dən etibarən e-Su mobil tətbiqi fəaliyyətini dayandıracaq və bütün rəqəmsal xidmətlər mygov-da təqdim olunacaq. Bu addım vətəndaşlara xidmətlərin əlçatanlığını artırmaq və prosesləri sadələşdirmək məqsədi daşıyır.
Hazırda mygov-da ADSEA-nın 6 xidməti mövcuddur: abonent məlumatlarının dəyişdirilməsi, sayğac göstəricilərinin təqdim edilməsi, rəqəmsal müraciət, borc araşdırması, son 12 ayın faktura və ödəniş məlumatları, su borcunun online ödənilməsi.
Daha 7 yeni xidmət inteqrasiya mərhələsindədir: sayğac plomblanması, təmir və dəyişdirmə, qəza müraciəti, yeni istehlakçı qeydiyyatı, məlumat arayışı, sayğac quraşdırılması, xidmətin müvəqqəti dayandırılması/bərpası.
mygov bütün dövlət xidmətlərini vahid platformada birləşdirərək vətəndaşlara rahat çıxış təmin edir. Tətbiqi yükləmək üçün: https://onelink.to/rryy4q
