Azərbaycan Tibb Universitetinin (ATU) rektoru, professor Gəray Gəraybəyli Ukraynanın Xarkov Milli Tibb Universitetinin (XMTU) nümayəndə heyətini qəbul edib.
Rektor tibb sahəsində Ukrayna universitetləri ilə sıx əlaqələri və qarşılıqlı əməkdaşlıq memorandumlarını xatırladıb. O, bu əlaqələrin səhiyyə nazirlikləri səviyyəsində dəstəkləndiyini və genişləndiyini vurğulayıb.
XMTU-nun prorektoru Oksana Nakoneçna pediatrik onkohematologiya sahəsində əməkdaşlığı genişləndirmək məqsədi daşıyan səfərdən məmnunluğunu bildirib. Görüşdə tələbə mübadiləsi, birgə elmi tədqiqatlar və startaplar müzakirə olunub.
Səfər iyunun 30-dək davam edəcək və qonaqlar ATU-nun klinik bazaları ilə tanış olacaqlar.
