Mayın 19-21-də Kaliforniyanın Sunniveyl şəhərində "Plug and Play" şirkətinin baş ofisində "Silicon Valley May Summit 2026" keçirilib.
Tədbir 17 sənaye proqramı üzrə 300-dən çox startapı, 4000-dən çox iştirakçını, korporativ tərəfdaşları və investorları bir araya gətirib. Əsas mövzular süni intellekt, fintex, dərin texnologiyalar, kibertəhlükəsizlik, mobillik və sənaye təchizatı olub.
Mayın 20-də "Global Startup Showcase" səhnəsində İRİA və "Plug and Play" tərəfdaşlığı ilə həyata keçirilən "GOAL" proqramının qalibi olan 5 Azərbaycan startapı çıxış edib: "Glacies Biome", "Bonfi", "Recepta", "Pixelfork" və "Pionero AI".
"Pionero AI" bir neçə həftə əvvəl "Shark Tank" sessiyasının qalibi olaraq əsas səhnədə investorlar qarşısında təqdimat edib. Tədbir Azərbaycan startaplarının qlobal tanınmasına və Silikon Vadisi ekosisteminə inteqrasiyasına töhfə verib.
