5-7 iyun tarixlərində "Space____________13" incəsənət məkanında "NARGIS" jurnalının təşkilatçılığı ilə "Force of Love" festivalı keçirildi. Festival yaradıcılığı, sənətkarlığı və canlı ünsiyyəti bir araya gətirdi.
Üç gün ərzində qonaqlar zinət, interyer əşyaları, kitablar, geyimlər və dadlı yeməklərlə dolu bazarlıq etdilər. Həmçinin rəqs, rəssamlıq, keramika, robototexnika və kulinariya üzrə master-klasslarda iştirak etdilər.
İlk gün uşaqlara həsr olunmuşdu. 1 saylı Uşaq Evinin sakinləri üçün xüsusi tədbirlər təşkil edildi. İyunun 6-da ekoloji aksiya çərçivəsində ağacəkmə tədbiri keçirildi. İyunun 7-də isə "CineMastercard" ilə cizgi filmi nümayiş olundu.
Festivalın tərəfdaşları arasında Mədəniyyət Nazirliyi, "Baku City Circuit" və "BakuBus" var idi. Qonaqlar üçün ödənişsiz avtobuslar fəaliyyət göstərdi.
