Mobil operator "Nar" DOST İnklüziv İnkişaf və Yaradıcılıq Mərkəzinin "İmkanlar hər kəs üçün" layihəsinin bağlanış mərasiminə qatılıb.
WUF13 öncəsi Azərbaycan Şəhərsalma Kampaniyası çərçivəsində keçirilən layihə, əlilliyi olan şəxslərin peşəkar inkişafına dəstək məqsədi daşıyır.
"Nar"ın baş icraçı direktoru Özgür Genc şirkətin inklüziv təşəbbüslərə dəstəyinə görə təşəkkürnamə alıb. İştirakçıların əl işi hədiyyəsi də təqdim olunub.
Layihə çərçivəsində 25 nəfər əlilliyi olan şəxs iki ay müddətində "Nar"ın müxtəlif departamentlərində təcrübə keçib. Onlar real iş mühitində praktiki bacarıqlarını inkişaf etdiriblər.
"Nar" sosial məsuliyyət strategiyası ilə inklüzivliyi təşviq edən təşəbbüsləri dəstəkləməkdə davam edir.
2,2 milyon abunəçiyə xidmət göstərən "Nar", Müştəri Loyallığı İndeksində 7 ildir liderdir. Şirkət sərfəli qiymətə yüksəkkeyfiyyətli rabitə, internet paketləri və eSim texnologiyası təqdim edir.
