İnnovasiya və Rəqəmsal İnkişaf Agentliyi (İRİA) Bakı Şəhəri Nərimanov Rayon İcra Hakimiyyəti ilə birgə "Openwave" Açıq İnnovasiya Hakatonunu uğurla başa çatdırıb.
Hakaton gənclərin texnologiya və sahibkarlıq bacarıqlarını gücləndirmək, dövlət qurumları ilə innovatorlar arasında əməkdaşlığı inkişaf etdirmək məqsədi daşıyıb.
Seçilmiş 15 komanda Nərimanov rayonunda idarəetmənin optimallaşdırılması üçün rəqəmsal həllər və prototiplər təqdim edib. Layihələr hesabatlılığın rəqəmsallaşdırılması, vətəndaş ünsiyyəti və infrastruktur qeydiyyatı kimi mövzuları əhatə edib.
Qaliblər 10 000 AZN mükafat fondundan pay alıb: I yer - "Digi Solution" (5000 AZN), II yer - "ExaMinds" (3000 AZN), III yer - "Conflict" (2000 AZN).
