İnnovasiya və Rəqəmsal İnkişaf Agentliyi (İRİA) ilə BMT-nin İqtisadi və Sosial Məsələlər Departamenti arasında əməkdaşlıq çərçivəsində "Rəqəmsal hökumətin inkişafı" mövzusunda iki günlük vörkşop keçirilib.
Tədbirdə dövlət qurumları, özəl sektor və beynəlxalq təşkilatların ekspertləri iştirak edib. Azərbaycanın rəqəmsal inkişafı, əldə olunan nailiyyətlər və gələcək prioritetlər müzakirə olunub.
İRİA sədr müavini Şahin Əliyev vörkşopun əhəmiyyətini vurğulayıb: "Süni intellektə hazırlıq, kibertəhlükəsizlik və inklüziv transformasiya mövzularında məhsuldar müzakirələr apardıq."
BMT rəsmisi Vinçenzo Akvaro isə Azərbaycanın məqsədyönlü rəqəmsal hökumət quruculuğunu təqdir edib.
