Təhsilin İnkişafı Fondu, "Kapital Bank" və "Mastercard"ın əməkdaşlığı ilə həyata keçirilən "TəhsilPlus" layihəsinin ilk kütləvi təqdimatı Gəncə-Daşkəsən regionunda baş tutub.
Gəncə Dövlət Universitetində və Gəncə-Daşkəsən Regional Təhsil İdarəsində təşkil olunan tədbirlərdə təhsil işçilərinə "TəhsilPlus" kartları təqdim edilib.
"Kapital Bank"ın idarə heyəti sədrinin müavini Fərid Hidayətzadə bildirib ki, müəllimlərə verilən dəyər gündəlik həyatda hiss olunmalıdır.
"Biz təhsil haqqında danışanda gələcək haqqında danışırıq. Güclü təhsilin mərkəzində müəllimlər dayanır", - deyə o vurğulayıb.
Tədbirdə "TəhsilPlus" kartının tərəfdaş şəbəkələrindəki güzəştlər barədə məlumat verilib. Layihənin 450 min təhsil işçisini əhatə etmə potensialı var.
