İsveçrənin Cenevrə şəhərində Beynəlxalq Əmək Təşkilatının (BƏT) 114-cü sessiyası keçirilir. Bu sessiyada Azərbaycan Həmkarlar İttifaqları Konfederasiyasının (AHİK) sədri Sahib Məmmədov çıxış edib.
O çıxışında bildirib ki, əmək hüquqlarının qorunması, əməyin mühafizəsi və layiqli əmək şəraitinin təmin edilməsi Azərbaycan Prezidenti İlham Əliyevin rəhbərliyi ilə həyata keçirilən sosial-iqtisadi siyasətin əsas prioritet istiqamətlərindəndir.
Məmmədov qeyd edib ki, bu siyasətin tərkib hissəsi kimi ölkədə əmək hüquqlarının etibarlı müdafiəsi üçün sistemli tədbirlər görülür, normativ-hüquqi baza təkmilləşdirilir, beynəlxalq əmək standartlarının tətbiqi genişləndirilir.
Konfederasiya sədri vurğulayıb ki, yeni imzalanmış 2026-2028-ci illər üçün Baş Kollektiv Saziş hökumət, işəgötürənlər və həmkarlar ittifaqları arasında sosial-iqtisadi və əmək münasibətləri sahəsində qarşılıqlı öhdəlikləri müəyyən edən mühüm sənəddir.
