"AzInTelecom" MMC 1 İyun - Uşaqların Beynəlxalq Müdafiəsi Günü ərəfəsində Gəncə şəhərində azyaşlılar üçün maarifləndirici sessiya keçirib.
Azərbaycan Uşaq Fondu ilə birgə təşkil olunan sessiyada 30-dan çox azyaşlı iştirak edib. Məqsəd uşaqlara rəqəmsal dünyadan təhlükəsiz istifadə yollarını aşılamaq olub.
Uşaqlara onlayn mühitdə şəxsi məlumatların qorunması, tanımadıqları şəxslərlə ünsiyyətdən qaçmaq və şübhəli keçidlərə klikləməmək kimi kiber-gigiyena qaydaları əyləncəli şəkildə izah edilib. Sessiyanın sonunda "SİMA missiyası" texnoloji nağıl kitabı hədiyyə olunub.
