İnnovasiya lideri "Bakcell" gənclərin rəqəmsal bacarıqlarının inkişafına yönəlmiş təşəbbüslərini davam etdirir. "Peerstack Academy" ilə əməkdaşlıq çərçivəsində "Java" və "Python" proqramlaşdırma dilləri üzrə "SummerStack Bootcamp" proqramı həyata keçiriləcək.
Üç ay davam edəcək "bootcamp"in məqsədi gənclərə proqramlaşdırma sahəsində fundamental biliklər qazandırmaq, real layihələr üzərində işləmək və İT karyerasına güclü başlanğıc imkanı yaratmaqdır.
Proqram "Java" və "Python" istiqamətlərini əhatə edir. Tədris qarşılıqlı öyrənmə və layihə əsaslı modellər əsasında qurulacaq. İştirakçılar təcrübəli mentorların dəstəyilə praktiki nümunələr üzərində işləyəcəklər. "Bakcell"in təqaüd proqramı çərçivəsində iştirakçılara 70%-dək təqaüd imkanı təqdim olunacaq.
Qeydiyyatdan keçənlər məntiq və proqramlaşdırma biliklərini əhatə edən imtahan mərhələsində, daha sonra müsahibə prosesində iştirak edəcəklər.
Proqram iştirakçıların gələcəkdə İT sahəsində peşəkar inkişafı, real iş mühitinə uyğun bacarıqlar qazanmasına dəstək olacaq. "Bakcell" və "Peerstack Academy" arasında bu əməkdaşlıq innovativ ideyaların real texnoloji həllərə çevrilməsi üçün yeni imkanlar yaradır.
"Peerstack Academy"yə qoşulmaq üçün linkə daxil olaraq qeydiyyatdan keçin.
